Les mots surlignés font l'objet d'une note
1Monsegneur, je receux ces jours passés une lettre
2quil vous a pleu mescrire d’Avignon dattée du Xe
3octobre par laquelle vous mobligés tousjours de
4plus en plus à votre service pour la bonne souvenance
5que vous avés de moy. Jen ay aussi receu une
6de monsieur de Evènes escripte à Montpellier, dattée
7du XXIXe decembre, par laquelle il mescript de
8faire prolonger le congé du cappitaine La Coste, ce que
9mes affaires ne peuvent comporter, par quoy je
10vous supplie très humblement luy faire trouver bon quil
11envoye icy son enseigne ou aultre tel quil advisera
12pour commander sa compagnye aulx fins que cependant
13jaye le moien de fère mes affaires et pourchasser
14quelque chouse pour moy pour, à ladvenir, avoyr
15plus de moien de vous fère très humble service et
16aulx vostres. Il ne fault poinct que monsieur d’Evènes
17treuve cecy estrange pour ce que si je pensois
18cecy luy estre preiudiciable en aulcune chose, jay votre
19service et son honneur en telle recommandation que
20jamays je nen heusse ouvert la bouche et mes
21affaires me pressent de telle fason que si je ny
22remedye à ceste heure, jamays la saizon ne se presentera ;
23parquoy je vous supplieray de rechefz très humblement
24quil nen fasse poinct de difficulté pour leysser
25sa compagnye en main de celluy quil luuy playra
26envoyer pource que je lasseure de luy leysser
27une compagnye aultant obéissante, bien reglée et belle
28de bons hommes, que sil veult seullement ensuyvre
29lordre quil y trouvera, toutes choses reviendront
30à lhonneur sien et de monsieur de Evènes aussi que
31je ne luy demande mon congé que pour le temps
32quil advisera, et estant auprès de vous et
33de luy, je luy feray entendre des affaires.
34Monsegneur, je receux dernierement des lettres de monsieur
35de La Roche par ung homme de ceste ville au quel
36il a vendu tout ce quil avoyt en ce pays. Par ses
37lettres, il mescripvoit quil partoit de Paris
38[v] pour venir à Senarpont ; toutesfoys, pource quil
39sarrestoit en chemin à visiter quelques gentilhommes
40ses amys et quil ne seroit, comme il mescrivoit,
41de quinze ou vingt jours à Senerpont, je ny ay poinct
42faict passer mon homme ; toutesfoys, comme jay sceu
43par lhomme qui en est venu et par ses lettres, il est
44en bon estat de sa santé, comme je prye Notre
45Seigneur,
46monsegneur vous y voulloyr maintenir en toute prosperité.
47A Callaiz, ce XXVIIIe jour de janvier.
48Votre très humble et obéissant serviteur
49à jamays
50chastellard